Домашен ајвар

loading...

Потребно:

-50 кг. црвен пипер

-1,5 л. зејтин 

-2 супени лажици шеќер

-сол по желба

Подготовка:

  Пиперките се мијат и се пребришуваат со сува крпа, така исчистени се запечуват од сите страни и се ставаат во кеса да омекнат. Откако ќе се испечат сите, се лупат и се чистат од семки, така исчистени се ставаат во цедалка за да се исцеди вишокот од течност. Потоа се мелат и се ставаат во шерпа.

  Откако ќе се загрее малку се додава зејтинот и се вари околу 2 часа, потоа се додава сол и се запржува уште 1 час. Пред собирање се додава шеќерот. Се складира во стаклени тегли, пред да се затвори теглата над ајварот се посипува малку зејтин и убаво се затвора. Секоја тегла се завиткува во хартија и така се чува додека не се олади.

Рецепт на Ивана Божиновска