loading...
-Растегнете еластична врвка околу рацете и легнете на грб на подот, испружете ги нозете и рацете високо над главата. Вовлечете го стомакот и брадата, подигнете ги во воздух рацете и подигнете ги главата, рамената и торзот кон стопалата, што е можно повеќе. Петите не ги одвојувајте од подлогата и обидете се со рацете да ги допрете стопалата. Одморете се, па на ист начин пополека враќајте се наназад. Повторете ја вежбата 5-8 пати, во текот на 30 минути кардио вежби, 5-6 пати седмично.
-Испружете се на стомак со исправени нозе и раце во линија на рамениците. Згрчете ги стомачните мускули, свиткајте ја левата нога нанадвор и подигајте ја кон левото рамо. Одморете се, па вратете се од почеток. Повторувајте ја вежбата 20 пати наизменично, менувајќи ги страните.
-Легнете на грб, со рацете оптегнати настрана, дланките надолу, нозете свиткани под агол од 90 степени, а стопалата нека ви бидат над земја. Стегнете ги стомачните мускули и спуштете ги нозете на левата страна од земјата најбрзо што можете, а рамениците држете ги на под. Истата вежба повторете ја и на десната страна. Повторете ја вежбата 20 пати наизменично на двете страни.
-Чистењето со правосмукалка е одличен начин за вежбање на стомачните мускули. Стегнете ги абдоминалните мускули додека чистите и резултатот нема да изостане.
-Легнете на грб со рацете подигнати високо над градите. Подигнувајте го горниот дел од телото, притоа свиткувајте се во карличниот дел. Истовремено подигнувајте ги и нозете, така што со задникот ќе ја одржувате рамнотежата. Потоа на ист начин враќајте се надолу. Направете 5 повторувања во серија, а потоа паузирајте 30-60 секунди и повторете ја серијата уште еднаш.
-Легнете во поза за стомачни вежби, на грб, нозете нека ви бидат свиткани во колената, а стопалата на под. Потоа замолете некој да ви фрла топка, наизменично, лево и десно од вас, така што ќе мора да се подигате настрана и да ја фаќате топката. Обидете се да издржите колку што е можно повеќе и од недела во недела зголемувајте го бројот на фрлања и фаќања.
-При извршување на движењата за време на веслањето постојано ги затегнувате мускулите на абдоменот.
-Додека пешачите, замислете си дека во стомакот имате магнет кој ви го вовлекува кон карлицата. Вежбајте го таквото држење на телото додека не ви стане едноставно и природно.
-Додека работите на телесните вежби, трудете се што повеќе време да бидете во стоечка позиција. На тој начин ќе ги активирате сите стомачни мускули. Концентрирајте се на тоа тие да бидат што е можно позатегнати, но при тоа не го запирајте дишењето.
-Играњето тенис е многу добро за стомачните мускули. Секој бекхенд и форхенд го зацврстува торзото и резултатите ќе ги почувствувате веќе по неколку одиграни сетови.
-Додека возите, седете на рамно седиште или кога седите на каков и да било стол без наслон, замислете дека тој постои и трудете се да бидете постојано исправени, а не подгрбавени. Рамениците повлечете ги наназад,подигнете го абдоменот и постојано внимавајте на држењето.
